அன்பரின் நேசம் ஆர் சொல்லலாகும்-அதிசய

அன்பரின் நேசம்

பாவ சேறாம் இவ்வுலகில்

மூழ்கியிருந்த என்னையும்

மூச்சொடுங்கும் முன்னரே

தூக்கியெடுத்தீரே, ஜீவன் தந்தீரே

உமக்கு நன்றி

கெத்செமனே தோட்டத்தில் உம் துயர சத்தம் கேட்டேன்

என் துன்ப சத்தங்கள் அடங்கி போக கண்டேன்

உம்மை ஆற தழுவிய நயவஞ்சகன் செயல் கண்டேன்

என்னை ஆறா துயரில் ஆழ்த்திய நயவஞ்சகர்கள் செயல் மறந்தேன்

உம்மை விட்டு ஓடிப்போனோர் நிலை கண்டேன்

என்னை மறந்தோர் நிலை எண்ணி மறந்தேன்

சிலுவையில் அறைய எழும் கூச்சல் கேட்டேன்

என்னை எதிர்த்த குரல்கள், மன ஒலி கேட்டேன்

நீதிமான் என்று அறிந்தும், கை கழுவிய நிலை கண்டேன்

என்னை கைவிட்டோரின் முன், என் நீதி ஏதுமில்லை என்றறிந்தேன்

பிதாவே இவர்களுக்கு மன்னியும், என்ற அன்பின் மொழி கேட்டேன், சிலுவையினிலே!

என்னையும் மன்னித்த மாதயவை எண்ணி நின்றேன், சிலுவையண்டையிலே!

அனைவருக்கும் அன்பின் புனித வெள்ளி 2024 வாழ்த்துக்கள்.

உற்றாரும் (யூத மக்கள்) கைவிட

உடன் இருந்தோரும் (சீஷர்கள்) ஓடிட

நம்பி வந்தோனும் (பேதுரு) மறுதலித்திட

நீதி செய்வோனும் (பிலாத்து) கை கழுவிட

வஞ்சகர் (அநியாயமாய் குற்றம் சாட்டினோர்) குதுகலித்திட

பார்போரும் (சிலுவை அண்டை நின்றோர் ) பரிகசித்திட

சிலுவை மொழியோ “பிதாவே இவர்களுக்கு மன்னியும்” என்பதே, ஆமென்.

இந்த கொடிய கொரோனா காலத்தில்,

நாம் பாவங்களுக்குச் செத்து, நீதிக்குப் பிழைத்திருக்கும்படிக்கு, அவர்தாமே தமது சரீரத்திலே நம்முடைய பாவங்களைச் சிலுவையின்மேல் சுமந்தார்; அவருடைய தழும்புகளால் குணமானீர்கள். 1 பேதுரு 2:24

என்ற சத்தியத்தின்படி ஆவிக்குரிய சுகத்தையும், சரீர சுகத்தையும் நம் ஒவ்வொருவருக்கும் ஆண்டவராகிய இயேசு கிறிஸ்து தாமே அருள்வாராக. ஆமென்.

அர்பணித்தேன் என்னை முற்றிலுமாய்

உந்தன் சிலுவை நிழலினிலே

உம் பின்செல்கிறேன்

எந்தன் சிலுவையோடு

மகிமை வரையிலே.